الاثنين، 20 فبراير 2012


حكاية شعب
=========
اةةةة منك يابلد
إللى ملوش فيكى
بتملى كفوفك
ليه وتدى
وأنا أللى ليه كل حاجه
فيكى على أدى
عايش على أدى
وحلمى على أدى
وفَرحى على أدى
ولجل بلدنا ما تعلى
ناوين يقطعوا خلفى
حتى المعونه لما مناعوها
عاوزين ياخدوها من كادى
طب هو انا كنت باخد
حاجه ف يادى
إزا كان كده
أبقى أرهنلهم ولدى
أةةة يابلد عاوزه مية ثوره
لحل منضفيك م إللى
خدوكى مقوله
وإللى عاوزين يقسموكى
مية دوله
وأهم ف السجن
يضربلهم تعظيم سلام
وشبابنا ف ماتش كوره
يتحكم عليهم بالأعدام
أة يابلد تعبت فيكى ألغاز
وأهى ناس باعت الغاز
وناس ماتت من الغاز
وناس محتاسه
على انبوبة بوتجاز
وواحد مرتبه مليون
وواحد خد عشره
أكمنهُ جاب جون
وانا قاعد مستنى
من أيام فرعون
إنك تبطلى 
خصلتك ديه
وتعدلى بين ولادك
فى المهيه
هو احنا منشبهش
ولاد لفنديه
ولا احنا نروح كده
وملناش ديه
أةةةةة يابلد
لسه زى منتى مهلبيه
كفاياكى بقى مناغشه فيه
مناغشتك مبقتشى مسليه
إمسكى إلميزان وإعدلى بنا
ولا إنتى عجبك إللى جارلنا
وألف أةةةةة يابلد
م إللى جارلنا

ليست هناك تعليقات:

إرسال تعليق