الخميس، 16 فبراير 2012

بنوته


ذكرى بنوته
=========

كان يوم فى بنوته

رقتها تنفع تتحكى حدوته

عيونها زرقا

وسماها زرقا

وقلبها ابيض ذى الشهد

وخدودها حمرا بلون الورد

كانت تفرح كل حارتنا

تقول اليله ليله السعد

وكانت ليه كل بنات الارض

اول ضحكه كانت ليها

اول دقه كانت ليها

اول مرة اسافر

كان فى عنيها

واخر مرة قلبى ارتاح

كنت ماسك يومها اديها

لسه ملامحها شاغله بالى

لسه طايرة زى العصفورة ادامى

بتقولى تقدر تسبق ايامى

ولسه رابط احلامى فى ضفايرها

لسه حنينى ليها ماسك ديل فستنها

حتى كتبى وكراريسى لسه شايلها

علشان فيها حاجه منها

كانت فى الفسحه تكتب

على كل حيطان المدرسه اسمى

وتسيب كل صحبها

وتيجى تقعد جنبى

لسه بتونس بيها

وسامع صوتها وحكويها

فاكرة اول مرة اكتب فيها

كلمه جنب الكلمه وتبقى شعر

كانت ليكى

وادينى اخر مرة بكتب فيها شعر

بردة ليكى

اصل انا حاسس من يوم كتبت حرف جنب الحرف

وكل كلامى هيبقى عليكى

هناك تعليق واحد:

  1. هذا هو ياصديقى الفنان الوجه الذى اريد ان أراه فيك وهذا هو وجهك الحقيقى من بين عشرات الوجوه الشعريه التى رأيتها لك ... تحياتى ودائما الى الآمام

    ردحذف