الخميس، 19 يناير 2012

إنت مسافره


خلاص مسافره
قطعتى أخر تذكره
وخلاص ماشيه
بس ذى ماقولتى
هما يومين وتنك راجعه
اوعى أتوه منك وسط الزحمه
ولا يدوب حبى حته حته
خلى بالك منى
حطينى جوه الننى
وأوعى حاجه
حاجه تشغل قلبك عنى
خدى معاكى الورده ديه
أوعى ترميها
كل متنسينى شميها
هتلقى ديما ريحه حبى فيها
عمرها ما هتدبل
طول مانتى بعنيكى بترويها
ودا شال لفيت الدنيا عشان اجبهولك
وتدارى بيه ورد خدودك
ودى ساعه حطيها ف إيدك
بعد يومين هترن
وهى لوحدها هتجيبك
وهتلاقى مستنى قلب حبيبك
بيقلك وحشانى
ولا ثانيه نسيتك
طب ايه رايك مبلاش السفريه ديه
وتخليكى جنب حبيبك
خايف الساعه تعطل
والدنيا تدخدك ما تجيبك

ليست هناك تعليقات:

إرسال تعليق