اسمحيلى
----------------
مستنيه تعرفى قرارى النهائى
من هنا بعلنلك ولائى
تقربى ... تبعدى
توفقى ... تعندى
بحبك ......
هو ده قرارى النهائى
انا اصلى احساسى بدائى
وورثه من مليون سنه
وف صدرى قلب دقاته هوا
ومش طالب منك تعشقينى
ذى مبعشقك
ولا تسيبى الدنيا
لما اندهك
كل اللى طالبه
تسيبى قلبى يحلمك
انتى مزروعه جوايا
وبلاقى ملامحك
تايهه ف ملمحى
لما ابص فى المرايا
فتبعدينى تقربينى
مش هى دى الحكايه
كل اللى طلبه
تفضلى جوايا
فياريت تسمحيلى
يمكن يمكن
يوم تحبينى
ليست هناك تعليقات:
إرسال تعليق