الثلاثاء، 25 يناير 2011

بستان الهنا


بستان الهنا
----------------
أقوليك على سر
أمبارح شوفتك فى منامى
شوفت معاكى اجمل احلامى
ولسه حلاوه الحلم وخدانى
اصلك كنتى ملاك
غير كل كيانى
ولما صحيت
لقتنى واحد تانى
حسيت بيكى وانتى بتقطعى
شرايين الحزن جوايا
وانتى بتخفى
شبح الخوف اللى ورايا
حاسيتك وانتى بتعيديى
كتابه تواريخ ايامى
وبتمحى منها همومى وألامى
وشوفتك  بتبصى ف عينى
وبتكسرى كل حواجز خوفى
وحسيت شفيفك بتحنى كفوفى
وسامع صوتك صدى
وشايف قلبك ادامى نور
عملته سفينه وعديت بيها
دموعى اللى عملت منها بحور
ولمحت فى ايديك فرشه والوان
رسمتينى زهرة
بتضحك جوا البستان
عرفت خلاص قلبك راضى عنى
وانى بقيت فى امان
ومشفتش فى البستان
غير انتى وانا
فسميته على اسميك
بستان الهنا

هناك تعليق واحد:

  1. جميله جدا جدا استاذ شريف
    تسلم اناملك الجميله

    ردحذف